«Айхалланнын үлэ киһитэ» уус-уран уруһуйунан дьарыктанар Өктөм нэһилигин «Арылы кустук» түмсүү саҥа үлэлэрин быыстапката арылынна.

«Айхалланнын үлэ киһитэ» уус-уран уруһуйунан дьарыктанар Өктөм нэһилигин «Арылы кустук» түмсүү саҥа үлэлэрин быыстапката арылынна. Быыстапкаҕа 18 үлэ туруорулунна. Бу бырайыак үлэ сылын чэрчитинэн, олорон ааспыт чулуу үлэһит дьон үтүө ааттарын үйэтитэр сыаллаах ыытылынна. Быыстакаҕа салайааччы Любовь Николаевна Габышева, түмсүү бастыҥ худуоһунньуктара Раиса Викторовна Охлопкова, Анатолий Егорович Лиханов, Иванна Ивановна Слепцова, Андриан Семенович Белалюбскай, Зинаида Виссарионовна Исакова, Вера Ивановна Алексеева, Оксана Борисовна Яковлева үлэлэрэ улахан сэҥээриини ылла. Быыстапканы көрө нэһилиэк олохтоохторо, оскуола оҕолоро быыстала суох кэлэллэр. Хас биирдии ыалдьыты нэһилиэк библиотиэкэрэ Матрена Егоровна көрсөр, быыстапканы сырдатар. Бүгүн Өктөм орто оскуолатын 3, 4 кылаас үөрэнээччилэрэ (кылаас салайааччылара Светлана Николаевна Трофимова, Зоя Петровна Жукова) ыалдьыттаатылар, быыстапканы билистилэр. Матрена Егоровна оҕолорго Үлэ диэн тыл суолтатын быһаарда, хас биирдии худуоһунньук үлэлэригэр тохтоон нэһилиэкпит чулуу дьонун туһунан сиһилии кэпсээтэ. Бу барыта биһиги нэһилиэкпит историята. Оҕолор уруһуйдьуттар үлэлэрин көрөн, сэргээн, элбэҕи биллилэр-көрдүлэр.