Хоточчуга байанай күнэ

Сэтинньи ый 30 күнүгэр Хоточчу эр дьонугар анаан «Байанай бэлэ5э» тэрээһин дьон бол5омтотун тарта.
Булду сэңээрээччилэргэ аналлаах кинигэ, сурунаал, туһалаах сүбэлэр быыстапката турда.
Булт-алт тиэмэтигэр билиини тургутар, үс түһүмэхтэн турар, өйү-мэйиини үлэлэтэр толкуйдатар оонньууга кыттан кыайыылаахтарынан буоллулар ОДьХ үлэһиттэрэ Николаев А.Р уонна Заболоцкий И.И. Салгыы бириистээх 2 миэстэ5э оскуолаттан Матвеев Д.В., Дмитриев И.В., эдэр ыччаттар Матвеев Василий уонна Черноградскай Андрей 3 миэстэни ылан сынньалаң киин туруорбут бириистэрин ыллылар.
Бу киэһэни Иван Дмитриев ыллаан киэргэттэ, кэрэ аңардар «Аныгы кусчуттар» диэн көрдөөх сыаңканы оонньоон, мустубут дьону күллэрэн сэргэхситтилэр.
Саха сиригэр Үлэ, Хаңалас улууһугар тыа хаһаайыстыбатын сылынан Хоточчубут сорсуннаах кадровай булчутун Петр Дмитриевич Матвеев олорон, үлэлээн ааспыт кэмнэрин ахтан-санаан аастыбыт.
О5олоро а5аларын аатын үйэтитэн, сыал ытыыга 5000 сууммалаах анал бириис туруордулар. Сыал ытыыга сытыы харахтаа5ынан Заболоцкий И.И. буолла, кылаан бирииһи ылан үөрдэ. Салгыы бириистээх миэстэ хаһаайыннарынан буоллулар:
1 м-Леверьев Г.С.
2 м-Васильев Марк
3 м- Ксенофонтов Айсен.
«Саамай эдэр сыал ытааччыга» диэн 3000 сууммалаах сертификаты Зинаида, Дмитрий Матвеевтар дьиэ кэргэн аатыттан туруордулар, бу анабыл бирииһи Васильев Марк ылла.
Саха киһитэ төрүт дьарыга булт буоларын биһиги эр дьоммут бу киэһэ көхтөөх кыттыыларынан көрдөрдүлэр, сэңээрэн, сэргэхсийэн тар5астылар.