Кинигэ сүрэхтэниитэ

Бүгүн, олунньу 8 күнүгэр, Хачыкаат нэһилиэгин дьаһалтатын сырдык, киэҥ саалатыгар бэртээхэй тэрээһин буолан ааста. Россияҕа биллэриллибит Дьиэ — кэргэн, Саха сиригэр Оҕо саас сылын чэрчитинэн «Саныыбыт, махтанабыт, сүгүрүйэбит» диэн ааттаах кинигэ сүрэхтэниитэ буолла. Герой ийэ, эйэҕэс эбээ, туруу үлэһит, Хаҥалас улууһун Хачыкаат нэһилиэгин бочуоттаах олохтооҕо Ульяна Гаврильевна Гурьева сырдык аатыгар анаан кыргыттара Афанасьева Н.С., Гуляева Д.С. кыһамньылаахтык ылсан кинигэ таһаардылар. Ийэлэригэр сүгүрүйэр, улахан махталларын биллэрэр туоһута бу кинигэ буолар. Кинигэ ааҕааччы киэҥ араҥатыгар ананар.