Булгунньахтаахха төрөөбүт тыл, сурук-бичик күнүгэр аналлаах дьиэ кэргэнинэн квест- оонньуу ыытылынна

Квест- оонньуу сыала-соруга: саха тылын- өһүн киэҥ эйгэҕэ тарҕатыы, оҕо төрөөбүт тылын билэр, ытыктыыр,өрө тутар буолуутун, төрөөбүт тылларынан кэпсэтэр буолууларын ситиһии; дьиэ кэргэн уонна оҕо сылын нэһилиэк общественнай- культурнай олоҕор дьиэ кэргэннэр көхтөөх кыттыыларын ситиһии, саха тылын сайыннарыы.
Күрэххэ биир ыалтан 3 киһилээх хамаанда кытынна.(төрөппүт, оҕо, дьиэ-кэргэн чилиэнэ)
Күрэх 4 түһүмэхтээх буолла:
1түһүмэх. Түргэн ыйытыктар, саха тылын билиигэ тургутук.
2 түһүмэх. Хаартысканан таайыы, саха суруйааччыларын төһө билэҕин?
3 түһүмэх. Хос аатынан таай, саха суруйааччыларын айымньыларынан.
4 түһүмэх. Хаҥалас улууһун устуоруйатыттан тургутук.
Дьүүллүүр сүбэҕэ үлэлээтилэр: Архипова Р.А.- литературнай түмсүү «Айар кытыл» кыттыылааҕа, Иванова С.С.- Булгунньахтаах орто оскуолатын специалиһа,
Ефремова Т.Г.- «Дьиэрэй ырыа» КК директора.
Күрэх саҕаланыытыгар литературнай түмсүү «Айар кытыл» Иван Гоголев- Кындыл «Ийэ тылым» диэн хоһоону доргуччу аахтылар. Ол кэнниттэн күрэххэ кыттар дьиэ кэргэттэри кытары билистибит, барыта
3 ыал кытынна. 4 түһүмэх түмүгүнэн Соловьевтар дьиэ кэргэттэрэ бастаатылар. Иккис миэстэ Моисеевтар, үһүс миэстэни Алексеевтар дьиэ кэргэттэрэ ыллылар. 7 кылаас уолаттара сахалыы хоһоон ааҕан иһитиннэрдилэр, салайааччы Олесова В.А.
Сыл бастыҥ ааҕар дьиэ кэргэн анал аатын Лидия, Александр Павловтар дьиэ кэргэттэрэ ыллылар. Ис сүрэхпититтэн эҕэрдэлиибит. Бу курдук мэлдьи кинигэни атас-доҕор оҥосто сылдьаргытыгар. Бүгүҥҥү тэрээһиҥҥэ кыттыбыт дьоммутугар улахан махталбытын тириэрдэбит.

Анисия Дьяконова, олохтоох библиотека салайааччыта.