БАЛАҔАН ЫЙЫН 27 КҮНЭ

Саха Өрөспүүбүлүкэтин Судаарыстыбаннаһын күнүн биһиги нэһилиэккэ тэрээһини Кыайыы скверыгар тэрийдибит. Бастатан туран, суолталаах күнү бэлиэтээн, торжественнай миитиҥтэн саҕалаатыбыт. Библиотека үлэһитэ иилээн-саҕалаан ыытта.
Сынньанар кииммит үлэһиттэрэ сахалыы сайаҕас ырыанан кэлбит дьону-сэргэни сэргэхситтилэр.
Өрөспүүбүлүкэбит сайдыытын, историятын төһө билэллэрин тургутан көрүү түмүгэр кыайыылааҕынан Богданова Л.Н. уонна Терентьева Р.С. буоллулар. Библиотека саамай ааҕааччылара диэх курдук, тутатына сөптөөх хоруйу биэрэн истилэр.
Тэрээһин күһүҥҥү дьаарбаҥканан түмүктэннэ.