Кыһыл Үрүйэ библиотекатыгар оҕолор кэрэҕэ кыттыһаллар

Ахсынньы 6 күнүгэр Кыһыл Үрүйэ 21 №-дээх библиотека-филиала Саха сирин норуотун уус-уран оҥоһуктарын маастара Константинова Дария Гаврильевна айар үлэтигэр аналлаах «Кэрэҕэ кыттыһан» диэн библиотечнай уруогу ыытта. Тэрээһин чэрчитинэн Саха АССР 100 сылыгар анаан тахсыбыт «Каталог. Декоративно-прикладное искусство Якутии» кинигэни билиһиннэрии буолла. Бу каталокка Кыһыл Үрүйэ иистэнньэҥнэрин “Утум” түмсүүтүн үлэлэрэ киирбиттэр. Дария Гаврильевна айар үлэтин кэрэһэлиир «Олоҕум быстыбат оһуордара» буклет тула кэпсэтии буолла.