Өктөмҥө саҥа кинигэ сүрэхтэниитэ.

Ахсынньы ый 7 күнүгэр Өктөм нэһилин модельнай библиотекатыгар умнуллубат кэрэ бэлиэ күн ааста. Кинигэни сэргээччилэр «Ийэ5э тапталбыт тыллара» саҥа кинигэ биһирэм күнүн бэлиэтээтибит. Кинигэни хомуйан таһаартарда үлэ бэтэрээнэ, Саха өрөспүүбүлүкэтин култууратын туйгуна, Өктөмнөөҕү «Барҕарыы» култуура киинин режиссера Зоя Егоровна Аржакова-Туйаара. Кинигэ биһирэмигэр ыалдьыттыы кэллилэр «Ийэ5э тапталбыт тыллара» кинигэҕэ хоһооннорун киллэртэрбит айар дьоҕурдаах, талааннаах дьоннор.
Зоя Егоровна бырайыагынан сыл ахсын араас хоһоон күрэхтэрэ ыытыллаллар. Күрэххэ кыттыбыт автордар хоһооннорун кинигэ оҥорон бэчээттэтэн таһаарар буолбута номнуо үһүс сылыгар барда, үтүө үгэскэ кубулуйда.
Саҥа кинигэни ыалдьыттарга сиһилии билиһиннэрдэ Өктөмнөөҕү модельнай библиотека кылаабынай библиотекара Матрена Егоровна Павлова. Бу кинигэ 2022 сыллаахха бэчээттэнэн тахсыбыт «Ийэлэр – сирдээҕи аанньаллар» хомуурунньук 2-с чааһа буолар. «Ийэлэр – сирдээҕи аанньаллар» кинигэҕэ 73 ааптар хоһоонноро киирбитэ. Онтон бу саҥа тахсыбыт хомуурунньукка 154 ааптар хоһоонноро киирбиттэр. Зоя Егоровна аҥардас соҕотох бэйэтэ бу 8 кинигэтэ буолар.
Биһиги нэһилиэкпит улууска элбэх кинигэни бэчээттээн таһаарар, элбэх ааҕааччылаах нэһилиэк буоларбытынан киэҥ туттабыт. Үйэлээҕи оҥорор кэнчээри ыччакка хаалларар ытык иэспит буоларын хас биирдиибит билэр, өйдүүр, сыаналыыр.