П.А.Ойуунскай төрөөбүтэ 130 сылыгар. Көҥүлү өрө тутан

Бу күннэргэ П.А. Ойуунускайга аналлаах араас таһымнаах тэрээһиннэр ыытыллаллар. Сэтинньи 14 — 15 күннэригэр Хачыкаат нэһилиэгин модельнай библиотекатыгар Саха омугун чулуу уолун, саха саарынын, киһи кэрэмэһин П.А.Ойуунускай төрөөбүтэ 130 сылыгар аналлаах тэрээһин буолан ааста. Тэрээһиммит сыала: суруйаачы, бэйээт, тылбаасчыт, драматург, учуонай — лингвист П.А.Ойуунускай аатын үйэтитии. Соруктара: П. А. Ойуунускай олоҕун, айар үлэтин кытта билсии. Кини туһунан билиһиннэрии. «Көҥүлү өрө тутан…» кинигэ быыстапкатын билсиһиннэрииттэн тэрээһиммит саҕаланна, Ойуунускайга аналлаах презентация көрдөрдөрүлүннэ. Онтон «Мин тохтор тойугум чугдаарыа, мин ырыам ылланыа…» диэн биэс түһүмэхтээх биктэриинэҕэ түөрт хамаанда куоталастылар. Дьүүллүүр сүбэҕэ Иванова М.В., Киприянова Ю.Ю. саха тылын уонна литературатын учууталлара үлэлээтилэр. Түмүккэ 15 бааллаах «Ситим» хамаанда кыайда, «Кэскил» — иккис миэстэ, «Эрэл» үһүс буолла. Кыттааччылар, учууталлар бары ыытыллыбыт тэрээһинтэн дуоһуйан, элбэҕи билэн — көрөн тарҕастылар. Сыллар ааһан истэхтэрин аайы, өрөгөй күүрээн өйдөөх улуу убайбыт П.А. Ойуунускай сырдык аата өрүү сыдьаайа туруоҕа.